sad boy
عضومتميز
عدد الرسائل : 218
العمر : 36
العمل/الترفيه : non
المزاج : sad for ever
الاوسمة : 
السٌّمعَة : 0
نقاط : 0
تاريخ التسجيل : 08/10/2008
 |  موضوع: شات 2080!!!!!!!!!!!!!!!! السبت أكتوبر 11, 2008 11:25 am | |
| فرافيرو: هااااااااااااااااى
سكامونى:هاى إنت جبت إيميلى منين
فرافيرو: من موقع احلم بمجرتك بعد ثانيتين دوت كوم !!!!
سكامونى: طيب
فرافيرو: ممكن نتعرف؟
سكامونى: طبعا ممكن
فرافيرو: أنا فرافيرو من الأرض 4 سنين عميد كلية السفن الفضائية فى الزهرة وإنت؟
سكامونى: أنا سكامونى من زحل 5 سنين ونصف عالمعاش كنت شغال فى الطاقة الهيدروجينية فى نيبتون قبل الحرب
فرافيرو: أهلا بيك يا سكامونى إنت طالع معاش من إمتى؟
سكامونى: من 6 شهور تقريبا
فرافيرو: يا حرام !! 6 شهور بحالهم وعملت إيه يا مسكين فى العمر دة؟
سكامونى: أبدا وحياتك معظم وقتى على النت الفضائى أو للرحلات بين زحل والمشترى والقمر وساعات المريخ
فرافيرو: ياة دة إنت حياتك صعبة قوى ربنا وياك
سكامونى: وإنت متى ستبلغ سن المعاش؟
فرافيرو: لا أنا لسة بدرى عليا قوى لسة سنة بحالها
سكامونى: يا بختك يا فرافيرو
فرافيرو: بس إنت جميل قوى فى الكاميرا وباين عليك الشباب ولا كأنك شاب عنده سنة ونصف
سكامونى: دة بفضل الجهاز الى اشتريته امبارح من القمر بمجرد ما تدخل جواه يظبط لك شكلك وجسمك ويمحى علامات الشيخوخة التى تظهر بعد سن 4 سنين
فرافيرو: بكام جبته ؟
سكامونى: ب80 مليار قلحة عملة التبانة !!!!!
فرافيرو: بس دة رخيص قوى!
سكامونى: أصله مش مستورد دة تقليد إنما الأصلى المستورد من مجرة تانية هتلاقيه أغلى بكتير
فرافيرو: لا إحنا عاوزين نشجع صناعة مجرتنا وشعارنا هو صنع فى التبانة!
سكامونى : عندك حق برضه 00000هى إيه الدوشة الى سامعها حواليك دى ؟
فرافيرو: لا أصل العيال أحفادى عاملين هيصة عيال أشقية قوى الكبير فيهم عنده 5 شهور عقبال عندك نجح فى الثانوية العامة إمبارح وجاب تقدير يدخله كلية عابرات المجرات فى بلوتو
سكامونى: ألف مبروك لحفيدك انا هبعتله هدية دلوقتى بالقمر الطبيعى 000هبعتله سفينة فضاء هدية
فرافيرو: ولو إنه عنده كتير لكن هات مش هيقول لأ!!!
سكامونى: هه وصلت؟
فرافيرو : أة وصلت ميرسى جدا
سكامونى:قولى بقى إيه آخر الأخبار عندكوا فى الأرض؟
فرافيرو: فى خبر لسة سامعه من شوية خلانى عملتها على نفسى من الضحك
سكامونى:خبر إيه؟ 00 ضحكنى
فرافيرو(ضاحكا): بيقولك يا سيدى إن علماء الآثار فى قطعة أرض قديمة قوى كانت إسمها أمريكا عثروا على جسم واحد من أوائل القرن تخيل؟!!!!
سكامونى: يااااااااااااااااااااااااااااااااااااااااااااااااا ااااااه هو لسة فى أثر للناس البدائية دى
فرافيرو:لا وإيه الإختبارات أكدت إنه كان رئيس لدولة كان إسمها أمريكا وأسمه بوش وكانت متحكمة فى العالم على أيامهم
سكامونى: فكرتنى بالإحتفال الى عملوه من يومين لأكبر معمر فى المجرة وكان إحتفال إسطورى
فرافيرو: أكبر معمر فى التبانة00 ليه هو عنده كام سنة؟
سكامونى : تخيل فضل عايش لغاية ماعمره وصل 13 عاما!!!!!!!!!!!!!!
فرافيرو: ياااااه معقولة إزاى وصل للعمر دة وحالته كانت إيه؟ احكيلى
سكامونى: هو كان بيموت بقاله 6سنين بس فضل فى مستشفى الحياة الأبدية فى عطارد ويحاول الأطباء جيل بعد جيل إنهم يجعلوه عايش أكتر مدة ممكنة ولما وصل للسن الكبير قوى دة(13 سنة) عملوا له إحتفال أسطورى حضره كل ملوك ورؤساء التبانة وإتنقل على الهواء بالقمر الطبيعى على كل الشاشات السماوية لكل سكان التبانة 0000هو إنت ماشفتوش؟
فرافيرو: لا أصلى كنت فى مجرة تانية بصيف !! المهم هو عامل إيه دلوقتى؟
سكامونى: لأ ماهو الراجل ما إستحملشى إنه يشوف الإحتفال دة ومات فى ثانيتها(بدل ساعتها)
فرافيرو: يا عم كفاية عليه 13 سنة هو إيه هياخد زمنه وزمن غيره كمان!! بس إحنا نكما ال8 سنين ونحمد ربنا على كدة
أخبار الحرب فى نيبتون إيه؟
سكامونى: آخر الأخبار إن رئيس أورانوس أعلن إنه هيسحب سفنه الفضائية وجيشه الآلى من نيبتون بعد هدنة مع رئيسها لمدة 3 أيام
فرافيرو: أهى مدة كافية عشان ينموا بلادهم من تانى!!!
سكامونى:على رأيك
فرافيرو : أنا سعيد جدا بمعرفتك وإن شاء الله نتقابل فى أى كوكب قريبا
سكامونى: أكيد طبعا
فرافيرو: أنا هستأذن دلوقتى عشان ورايا محاضرة مهمة بعد دقيقتين فى الزهرة وسائق الصاروخ وصل فوق وعمال يضربلى فى شظايا(بدل الكلاكسات)عشان أطلع له
سكامونى: طيب هشوفك إمتى تانى؟
فرافيرو: بعد 25 دقيقة لأنى مشغول قوى
سكامونى: ياااه بس دة كتير قوى 00على العموم حاول تيجى بدرى عن كدة
فرافيرو: حاضر هحاول
باى
سكامونى: باى | |
|
noor
رقابة المنتدى
عدد الرسائل : 193
العمر : 39
العمل/الترفيه : في مجال الاعلام
المزاج : الحمد لله
الاوسمة : 
السٌّمعَة : 0
نقاط : 0
تاريخ التسجيل : 01/10/2008
| | موضوع: رد: شات 2080!!!!!!!!!!!!!!!! الأحد أكتوبر 12, 2008 11:46 am | |
|  هههههههههههههههههههههه  ياااااة دة الوقت عندهم طويل اوى .... توبيك جميل اوى | |
|
حواء
المـديـر العـــام
عدد الرسائل : 1229
العمر : 38
الموقع : https://banat7waa.yoo7.com
العمل/الترفيه : جامعية
المزاج : عاشقة
Personalized field : 
الاوسمة : 
مزاجى : 
السٌّمعَة : 3
نقاط : 117
تاريخ التسجيل : 07/05/2008
| | موضوع: رد: شات 2080!!!!!!!!!!!!!!!! الإثنين أكتوبر 13, 2008 4:34 pm | |
| حلوة الصاروخ بيضربلى شظايا هههههههههههههههه توبك حلو ياتيتو  | |
|
simsim
عضوفعال
عدد الرسائل : 122
العمر : 36
العمل/الترفيه : طالبة فى كلية الاداب قسم اثار
المزاج : Happy
الاوسمة :
السٌّمعَة : 0
نقاط : 0
تاريخ التسجيل : 08/10/2008
| | موضوع: رد: شات 2080!!!!!!!!!!!!!!!! الإثنين أكتوبر 13, 2008 11:53 pm | |
| جامد جدااااااااااااااااااااا تسلم ايدك يا تيتو | |
|
سليسلى
عضوجديد
عدد الرسائل : 3
العمر : 34
العمل/الترفيه : مشاهدة التلفاز
المزاج : رايق
Personalized field : 
مزاجى : 
السٌّمعَة : 0
نقاط : 3
تاريخ التسجيل : 09/08/2010
| | موضوع: رد: شات 2080!!!!!!!!!!!!!!!! الإثنين أغسطس 09, 2010 12:57 am | |
| افيرو  مشكور انا عجبنى اسم فر | |
|
يمني المتعب
عضونشيط
عدد الرسائل : 83
العمر : 43
العمل/الترفيه : التصميم
المزاج : اتعدل
Personalized field :
مزاجى : 
السٌّمعَة : 0
نقاط : 146
تاريخ التسجيل : 26/06/2010
| | موضوع: رد: شات 2080!!!!!!!!!!!!!!!! الإثنين أغسطس 09, 2010 11:33 pm | |
| هههههههههههههههههههه بجد جميلة | |
|
