ارحموناااااااااا اتخنقتتتتتتتتتتتت

بسم الله الرحمن الرحيم

موضوعى النهارده موضوع يخص كل واحد فيكم ولد او بنت
الموضوع منقسم الى موضوعين
الاول: اللى انا حعرضه عليكم
الثانى :الردود اللى حستناها منكم
الموضوع بأختصار شديد جدا
مجربتش مره انك تتسأل سؤال متعرفش ترد عليه او بالمعنى الاصح متلقلهوش رد وتتريق على نفسك وعلى اللى بيسأله
ومن ده امثله بتخنقنى جداااا وبحس نفسى حتطلع من غباء اللى بيسأله
أمثله وليس بالحصر
1-صحيت من النوم الساعه 6.30 صباحا ولبست واتشيكت وبعد ده كله يشوفك اخوك او اختك ويقولك "انت نازل "
الرد "لا بجرب الهدوم وحنام تانى "
2-ربنا هداك وماسك الجرنال وبتقرى فيه وبتعرف خبر معين شدك انك تقرأه ياجى خالك ويقلك "انت بتقرأ "
الرد "لا بتفرج على الصور "او "بتمنظر "
3-يا سلام لما تروح الشغل وقاعد على المكتب وربنا هداك خلاص حتشتغل ياجى زميل فى الشغل يقولك "انت بتشتغل"
الرد "لا عاطل " أو "بجرب الكرسى وماشى"
4-الاجمل من كده لما تكون معزوم عند واحد قريبك ورايح انت والعائله علشان العزومه وتوصل عند البيت وترن الجرس ويجرى طفلهم ويفتح الباب ويقول بكل سزاجه "انتو جيتوا"
الرد :"لا مجيناش احنا فى الطريق"
5-الاحلى من ده كله تكون قاعد فى حالك وبتكتب مسج لصديقك وتاجى اختك تبصلك وتقلك "ايه ده انت ماسك الموبايل"
الرد :لا بتفرج عليه
6-الافظع من كده انك رجعت من شغلك الساعه 12 بليل وتعبان وجعان وحضرت الاكل وبتاكل وتاجى اختك واخوك يقولولك " ايه ده انت بتاكل"
الرد "لا بصبر نفسى " او " بتفرج ايه هوه ده "
7-يا سلام تكون نازل الساعه 7 الصبح ومستعجل وبتجرى على السلالم وتفتح باب العربيه وتدورها ويجى جرى عليك البواب ويقلك " انت طالع يا بيه "
الرد "لا بجربها "
8-يا سلام تكون فى احلى نومه الساعه 4 الفجر ويتصل بيك صديقك وهوه عارف انك معاك شغل الساعه 7 صباحا واول مترد عليه يقولك "انت نايم "
الرد "لا بتوب بس "
9-طبعا الشغل 10 ساعات متواصله صعبه جدااا ولازم يتخللها ساعه على الاقل نصف ساعه رست وبتكون محتاج الرست وتجرى تعمل كوبايه شاى وتشربها وياجى زميلك فى الشغل يقولك "انت بتشرب شاى "
الرد "لا بدوقه " او "بشوف لونه "

طبعا كل واحد بيحصل معاه حاجه ذى كده وارجوا من كل واحد يقولى موقف على الاقل فى الرد على الموضوع
واشكركم جميعا انكم ادتونى الفرصه دى وارجوا ان الموضوع يكون جديد

ارحموناااااااااا اتخنقتتتتتتتتتتتت Whistle

ارحموناااااااااا اتخنقتتتتتتتتتتتت Whistle

__________________
فرعون الاقصر جاهز للأحتفال ويدعوا كل ملوك البلاد للأحتفال معه بهذه المناسبه

ههههههههههههههههههههههههههه
او لما تكون واقف فى مكان وحد يسالك انت واقف هنا ليه ترد وتقوله مستنى الاتوبيس
يسلمووووووووووو يتيتو

شكرا على الموضوع الجامد ده
ههههههههههههه Laughing